சைபீரியாவில் மைனஸ் 61 டிகிரி குளிரில் நகராத விமானத்தை தள்ளிய பயணிகள்!

இகர்கா: சைபீரியாவில் உள்ள இகர்கா நகரில் இருந்து சைபீரிய விமானம் ஒன்று புறப்பட தயாராக இருந்தது. அங்கு மைனஸ் 61 டிகிரி கடுங்குளிர் வீசி வருகிறது. இதனால் ஓடுபாதையே தெரியாத அளவுக்கு பனி மூடியிருந்தது. குளிரால், விமானத்தின் பிரேக் பகுதி உறைந்து விட்டது.  விமானத்தை கட்டி இழுத்துச் செல்லும் வாகனத்தையும் இயக்க முடியவில்லை. எனவே விமானத்தை இயக்க முடியாததால், விமானத்தில் இருந்த 74 பயணிகளும் விமானத்தை தள்ளி உதவி செய்துள்ளனர். 

பயணிகள், நடுங்க வைக்கும் குளிரில் அந்த விமானத்தின் இறக்கைகளை பிடித்துக்கொண்டு, சத்தமிட்டு கொடே விமானத்தை தள்ளினர். பயணி ஒருவர், இந்த காட்சியை வீடியோ எடுத்து, அதை யூ டியுபில் வெளியிட்டதால், இந்த சம்பவம் வெளியே தெரிந்துள்ளது.